Diedon Berisha është Kryeshef Ekzekutiv i Ndërmarrjes Ambienti Sh.A. që nga viti 2022. Ai është profesionist me përvojë të gjerë në fushën e auditimit, financave dhe menaxhimit, duke kombinuar ekspertizë teknike me aftësi udhëheqëse. Ai ka përfunduar Masterin e Shkencave në Ekonomi, është Auditor Ligjor dhe Ekspert i Lartë Tatimor, si dhe ka përvetësuar njohuri të avancuara për vendimmarrje strategjike përmes certifikatave profesionale në Financa për Vendimmarrje. Përvoja e tij profesionale përfshin pozita kyçe në auditim dhe menaxhim, si:

• Aksionar në kompaninë Fryti Audit
• Auditor i Brendshëm pranë NPL Ambienti Sh.A. (2019–2022)
• Menaxher i disa projekteve të Bashkimit Evropian përmes Karitasit Italian

Me vizion të qartë për zhvillimin e qëndrueshëm dhe efikasitetin operativ, Diedon Berisha udhëheq Ndërmarrjen Ambienti Sh.A. drejt standardeve të larta të menaxhimit, inovacionit dhe transparencës.