Bordi i Drejtorëve miraton Planin e Biznesit për vitin 2026 me projeksionet më të larta në historinë e ndërmarrjes
Bordi i Drejtorëve, në përbërje me Gramoz Xhemajli – Kryesues, Drita Krasniqi dhe Gazmend Kastrati anëtarë, kanë miratuar Planin e Biznesit për vitin 2026.
Plani i miratuar paraqet projeksionet më të larta të arritura ndonjëherë nga ndërmarrja, duke reflektuar rritje të qëndrueshme dhe zhvillim të vazhdueshëm ekonomik.
Krahasuar me vitin paraprak, vlera e projeksioneve për vitin 2026 është 20.83% më e lartë, ndërsa në krahasim me vitin 2019, rritja arrin në rreth 60%.
Këto rezultate e bëjnë këtë vit një ndër më të suksesshmit në historinë e ndërmarrjes, me projeksione që kapin vlerën prej afërsisht 2.5 milionë eurosh, niveli më i lartë i arritur ndonjëherë.
Miratimi i këtij plani pasqyron përkushtimin e Bordit të Drejtorëve, zyrtarëve të lartë, Diedon Berisha-Kryeshef, Daut Muqaj-ZKF dhe Ylber Goska-Sekretar, si dhe të gjithë punonjësve pa dallim, për zhvillim të qëndrueshëm, menaxhim efikas dhe rezultate konkrete në shërbim të qytetarëve dhe partnerëve të ndërmarrjes.
Zyra për Media dhe Marrëdhënie me Publikun
